Unha visita para descobrer o funcionamento dunha das empresas de máis longa tradición na cidade; unha empresa que soubo adaptarse ás novas demandas do mercado, que soubo adaptarse aos novos tempos, invertindo entre outras cousas, en actualización e innovación de maquinaria a nível internacional.
@s participantes estaban a cursar unha formación pre- universitaria na “Asociación Down Vigo”. No curso, parte do temario toca o o tecido empresarial vigués, así que para completar a unidade que mellor xeito de facelo que coñecendo por dentro o funcionamento dunha empresa de referencia: “Cardama Shipyard” xa fundado no 1916 por Francisco Cardama Godoy. Un estaleiro que conta co recoñecemento de vigués distinguido e cuxa evolución ao longo deste século foi inmortalizada polo artista Antonio Barbará con escenas no muro exterior das súas instalacións e do seu portón principal.
Unha vez alí, da mans dos anfitrións do estaleiro, fixemos un completo percorrido polas modernas instalacións, que contan con máis de 20.000 m² preparados para realizar calquera traballo de construcción, transformación e reparación naval.
Contan con seis vías de varada que permiten albergar buques de ata 100 metros de eslora e 15 de manga de ata 3.000 toneladas, contando cun peirao para reparacións de 70 metros para realizar calquera traballo a flote.
Ao longo do percorrido vimos cómo estaban preparando traballos para un cambio de hélice. Situámonos enriba das pranchas, “retais de barco”, coma se de cortar e coser se tratase; aprendimos tamén que para cortar a ferramenta que se usa é o soplete.
E para completar a visita fomos descobrer os segredos da vida a bordo ; seguimos aos nosos guías escadas enriba para coñecer un buque por dentro e por fóra, en palabras do noso anfitrión “o pel e as tripas do barco” Tratábase dun buque de vixilancia e rescate, o que ven sendo “a policía do mar”
Afortunadamente a protección ambiental e prevención da contaminación son conceptos incorporados a estes novos buques.
Moi agradecid@s tanto a “Asociación Down Vigo” como ao noso anfitrión o estaleiro “Astilleros Cardama” por abrirnos as súas portas para comprender como funciona unha empresa dun sector estratéxico da nosa cidade, un dos sectores máis importantes a nivel económico e social do noso territorio e que configuran a nosa identidade.
Para máis información sobre as nosas actividades, podes contactarnos neste enderezo: info@vigopesqueiro.com ou chamando ao telf.610312685
