Ás veces resúltanos complicado atopar opcións de lecer cando viaxamos en familia, sobre todo cos máis peques. Se este é o voso caso , animámosvos a sumarvos á experiencia VigoPesqueira en familia, seguro que non vos defraudará.
A semana pasada contamos cunha familia procedente de Madrid coa que realizamos a actividade “Percorre Porto Pesqueiro + Viveiro” . Comezamos a nosa actividade ás 10.00, visitando os edificios das lonxas, e ainda que a subasta ten lugar ás 5 da mañá, ainda nos atopamos con algún “peixiño”; así por exemplo con este rape, que nos deixou coa boca aberta a todo o grupo. Pesaba nada máis e nada menos que 17 Kilos!!
Despois de visitar a Lonxa, dirixímonos cara o viveiro, e de camiño, atopámonos cunha descarga do máis interesante
O último punto da visita desenrolouse no interior do viveiro “López Novoa pescados y mariscos”. Agradecémoslle a Bruno por cedernos o seu tempo e por ternos recibido tan amablemente. Ademáis, os máis cativos tiveron incluso a oportunidade de ver e tocar aos que viven no fondo do mar.
Desde VigoPesqueiro dámoslle ás grazas por ter confiado en nós.
Como vedes trátase dunha boa opción de visita para tódalas idades.
