“Pues bien, señor Aronnax, estamos en la bahía de Vigo y sólo de usted depende que pueda conocer sus secretos”.
Así se refería o Capitán Nemo aos tesouros ocultos da Ría de Vigo en “Veinte mil leguas de viaje submarino” de Julio Verne; e así comezaba a nosa viaxe o pasado sábado, 21 de outubro.
Vinte persoas concentrabámonos no Real Club Náutico de Vigo, coa curiosidade e a incerteza de non saber qué nos atopariamos nas profundidades de nosa Ría grazas ao Nautilus, un barco de interpretación subacuática equipado coa última tecnoloxía, e con “Nemo”, un robot submarino que nos ensinou unha batea e algúns dos restos dos navíos naufragados nas nosas augas (canóns do Herminie, barrís de cal, etc.)
“Nemo”
Non descubrimos tesouros non atopados, pero vivimos un documental en directo, ao mesmo tempo que lembrábamos a Batalla de Rande de 1702, o noso patrimonio histórico, e as nosas raíces establecidas ao redor do sector pesqueiro.
Aínda que o mar de fondo na zona dos naufraxios non nos permitiu mergullar a “Nemo” para visualizar en directo os restos ocultos na nosa Ría, a sonda multihaz foi capaz de cartografiar o fondo en 3D a tempo real e localizar os nosos obxectivos.
Na hora e media que durou a nosa viaxe, deunos tempo a coñecer a produtividade das nosas augas, achegarnos e coñecer unha batea, os seus mexillóns e todos os seus habitantes (anemonas e outros organismos); ver os restos, contemplar as antigas edificacións de industrias como Massó, e impregnarnos do salitre do mar.
Desde FUNDAMAR, agradecemos a boa disposición de tod@s @s participantes, o seu bo humor e as súas achegas e colaboración co programa de actividades de Vigo Pesqueiro.
